WAJET MEDIA DOBLA EN XIXÓN ‘WOMIT HABEN WIR DAS VERDIENT?’

Ye una comedia dirixida por Eva Spreitzhofer y protagonizada por Caroline Peters, Chantal Zitzenbacher, Simon Schwarz, Marcel Mohab y Anna Laimanee

La productora Wadjet Media ta doblando, en castellanu, el llargumetraxe austriacu ‘Womit haben wir das verdient?‘ (¿Qué hemos hecho para merecer esto?). Ye una comedia dirixida por Eva Spreitzhofer y protagonizada por Caroline Peters, Chantal Zitzenbacher, Simon Schwarz, Marcel Mohab y Anna Laimanee. Nella Wanda, una feminista atea de 49 años de Viena, enfréntase a la peor velea cuando so fía adolescente Nina anuncia que se convierte al Islam, que va llevar un velu y que d’equí pa en delantre va llamase Fátima. ‘Womit haben wir das verdient?’ sedrá distribuyida n’España por El Sur Films.

Esti trabayu, dirixíu por Illán Gonzali, faise nes instalaciones xixoneses de la productora y cuenta pa les más de sesenta voces con actores y actrices que realizaron la so formación na Escuela de Doblaxe d’Asturies.

Wadjet Media (enantes Gonzali Producciones) da un pasu nuevu p’hacia la potenciación d’una industria del doblaxe n’Asturies, abriéndola al ámbitu estatal con ésti y otros títulos, mientres afita los doblaxes d’ámbitu autonómicu. Esta productora tien doblao pa la Televisión del Principáu d’Asturies películes como «One-Eyed Jacks», «Dirty Harry», «Inception», «Ocean’s Eleven» o «Sherlock Holmes. A Game of Shadows».

XIXÓN AL DÍA 20/06/2019

  •  
  •  
  •  
  •  
  •  
  •  
  •  
  •  

Deja un comentario

Tu dirección de correo electrónico no será publicada. Los campos obligatorios están marcados con *